Lífeyrir
Sjóðfélagar afla sér réttinda til eftirlauna sem og makalífeyris, barnalífeyris og örorkulífeyris með greiðslu iðgjalda.
Deildir Brúar lífeyrissjóðs
Sjóðfélögum í A og V deild er heimilt að hefja töku eftirlauna á milli 60 og 80 ára aldurs.
Sjóðfélagar B deildar sem eru orðnir 65 ára og hafa látið af störfum hjá sveitarfélagi eða stofnunum þess geta hafið töku lífeyris. Lífeyristaka getur hafist fyrr ef sjóðfélagi hefur náð 95 ára reglunni.
Lífeyrisgreiðslur
Lífeyrisgreiðslur í A og V deild fylgja breytingum á vísitölu neysluverðs til verðtryggingar, sem hækkaði um 8,0% á árinu 2023. Lífeyrisgreiðslur í B deild fylgja breytingum á vísitölu lífeyrisskuldbindinga fyrir opinbera starfsmenn, sem hækkaði um 9,5% á árinu 2023.
Lífeyrisgreiðslur
Fjöldi lífeyrisþega
Það fjölgar ört í hópi lífeyrisþega hjá Brú. Á árinu 2023 fjölgaði lífeyrisþegum um 9,6% og voru að meðaltali 11.420 á árinu.
Meðalaldur
Meðalaldur lífeyrisþega eftir tegund lífeyris árið 2023.
Tegund lífeyris
Ellilífeyrir er greiddur til æviloka í öllum deildum.
Makalífeyrir í A deild er greiddur til fimm ára eða þar til yngsta barn nær 22 ára aldri. Í V deild er makalífeyrir greiddur til tveggja ára eða þar til yngsta barn nær 18 ára aldri. Í B deild greiðist makalífeyrir ævilangt.
Barnalífeyrir er greiddur uns barn verður 22 ára í A deild en 18 ára í V og B deild.
Örorkulífeyrir tekur mið af áunnum réttindum og miðast að lágmarki við 40% örorkumat í A deild, 50% örorkumat í V deild og 10% örorkumat í B deild.
Eftirlaun eru greidd til æviloka í öllum deildum
Fjöldi lífeyrisþega á árinu
Lífeyrisþegar sem fá greiddan ellilífeyri eru 66,2% af heildarfjölda lífeyrisþega og hefur hlutfallið haldist nokkuð óbreytt undanfarin ár.
Lífeyrisbyrði
Fylgst er með útstreymi greidds lífeyris og innstreymi iðgjalda með því að skoða hlutfall lífeyrisgreiðslna af iðgjöldum. Ef hlutfallið er minna en 100% þýðir það að meira innstreymi er af iðgjöldum til sjóðsins heldur en sjóðurinn greiðir út sem lífeyri, þ.e. nettóinnstreymi fjármagns er til sjóðsins.
Fæðingarár lífeyrisþega
Grafið sýnir fjölda lífeyrisþega eftir fæðingarári og tegund lífeyris.